د کابل ښار ښوونځیو ترمنځ د فوټسال لوبډلې سیالۍ پای ته ورسېدې
څه موده وړاندې، د پوهنې وزارت د اساسي او ثانوي زده کړو ریاست د بدني روزنې آمریت د پروګرام له مخې، د کابل ښار د ۲۰ بابه ښوونځیو د فوټسال لوبډلو تر منځ سیالۍ د مسئولینو په حضور کې پیل شوې، چې تر سختو رقابتونو وروسته د عبدالرحیم شهید عالي لېسې د زده کوونکو فوټسال لوبډلې لومړی مقام، د سید الناصری عالي لېسې لوبډلې دویم مقام او د شهرک خراسان عالي لېسې لوبډلې درېیم مقام خپل کړ.
په پای کې د پوهنې وزارت د بدني روزنې آمریت چارواکو، غوره لوبډلو او په سیالیو کې برخه اخیستونکو نورو لوبډلو ته جایزې او سپورټي ډالۍ ووېشلې.
