د امام ابوحنیفه (رح) له دارالعلوم څخه نږدې ۱۰۰ تنه طلاب فارغ شول
د پوهنې وزارت د اسلامي زدهکړو معینیت له خوا، د امام ابوحنیفه (رح) دارالعلوم د دولسم او څوارلسم ټولګي ۹۹ تنو فارغانو لپاره د فراغت شانداره مراسم ترسره شول.
په یادو مراسمو کې د پوهنې وزارت د اسلامي زدهکړو معین محترم الحاج مولوی کرامتالله آخندزاده، د علماوو شورا رئیس محترم الحاج مولوی خلیفه دینمحمد، یو شمېر علماءکرامو او استادانو ګډون درلود.
د اسلامي زدهکړو معین په دغو مراسمو کې د خپلو خبرو پرمهال وویل چې علم د دیني او دنیوي دواړو له لیدلوري په ټولنه کې لوړ ارزښت لري، ځکه علم او پوهه له انسان سره د حلال او حرام، حق او باطل په پېژندلو کې مرسته کوي او د ژوند سمه لار ورښيي.
همدارنګه، د علماوو شورا محترم رئیس هم د فارغانو لپاره د علم او ادب ارزښت په اړه وینا وکړه او ویې ویل: «ادب د علم درناوی دی او بې ادبه علم ارزښت نه لري. ادب د احترام، دانایۍ، اخلاقو او روحانیت نښه ده.»
په پای کې د مسئولینو له خوا د یاد دارالعلوم ۹۹ تنو فارغانو ته د فراغت سندونه ووېشل شول.
