د پکتیا ولایت مرکز اړوندو ښوونځيو ته د لمریزې برېښنا سیسټمونه فعال شول
د پکتیا ولایت پوهنې ریاست د معلوماتو له مخې، د یوهمکار بنسټ په ملاتړ د مرکز ګردېز ښار د زاهو، تندان او چرمشکه ښوونځیو لپاره د ۳۰۷ زره ۲۰۰ افغانیو په لګښت د لمریزې برېښنا (سولر) سیسټمونه له اړینو ملحقاتو سره نصب او فعال شول.
د یاد ولایت پوهنې رئیس محترم الحاج مولوي عبدالقیوم فاروقي په وینا، د یاد هر ښوونځي لپاره ۱۰ تختې لمریزې برېښنا د نورو ضروري وسایلو ترڅنګ نصب شوې دي، تر څو پورته ذکر شوي ښوونځي د دوامدارې برېښنا له اسانتیاوو برخمن شي.
