په بامیان کې د څه باندې ۲ میلیونه افغانیو په لګښت د څلورو ښوونیزو بنسټونو ترمیم او بیارغونه بشپړه شوه
د پوهنې وزارت له لوري د بامیان ولایت د شیبر ولسوالۍ د څلورو ښوونیزو بنسټونو د ترمیم پروژې بشپړې او په یوه غونډه کې چې د دغه ولایت د پوهنې رئیس محترم قاري عنایتالله سهار هم پکې ګډون درلود، بېرته ګټې اخیستنې ته وسپارل شوې.
د یاد ولایت پوهنې رئیس په خپلو خبرو کې وویل، چې دغه پروژې د پوهنې وزارت له عادي بودیجې څخه د ۲ میلیونه ۱۶۸ زره او ۳۲۴ افغانیو په لګښت پلې شوې دي.
نوموړي زیاته کړه، چې د یادو پروژو په چوکاټ کې د چجین ورس لېسې، د مرکز د دکاني لېسې، د کنګورغندک مدرسې او د دهن غندک لېسې ودانۍ ترمیم شوې او په بشپړېدو سره یې شاوخوا ۱۵۰۰ زدهکوونکو ته د خوندي ښوونیز چاپېریال زمینه برابره شوې ده.
