د کابل ښار د زدهکوونکو علمي او ساینسي پروژې نندارې ته وړاندې شوې
د کابل ښار د ام/ارتي او خصوصي ښوونځیو اړوند زدهکوونکو علمي لاستهراوړنې او ساینسي پروژې، د پوهنې وزارت مسوولينو، د کابل ښار د پوهنې رئیس، ښوونکو، استادانو او زدهکوونکو په حضور کې نندارې ته وړاندې شوې.
په پیل کې د کابل ښار پوهنې رئیس محترم مولوي حسیبالله صاحبزاده ګډونوالو ته د ښه راغلاست ترڅنګ، د یاد نندارتون د موخو او اهمیت په اړه هر اړخیز معلومات وړاندې کړل.
نوموړي څرګنده کړه چې د پوهنې وزارت ژمن دی، ترڅو د دیني علومو ترڅنګ د ساينسي علومو په برخه کې هم د هېواد بچیانو ته د باکیفیته ښوونې او روزنې زمینه برابره کړي.
د نندارتون په لړ کې زدهکوونکو خپلې نوښتګرې علمي او ساینسي پروژې او لاستهراوړنې نندارې ته وړاندې کړې، چې د ګډونوالو او د پوهنې مسوولینو د پام وړ وګرځېدې.
د یادونې وړ ده چې په دغه نندارتون کې د کابل ښار د بېلابېلو ښوونځیو شاوخوا ۲۱۰ علمي او ساینسي پروژې نندارې ته وړاندې او په پای کې د پوهنې مسوولینو له لوري نوښتګرو زدهکوونکو ته ستاینلیکونه او ډالۍ ورکړل شوې.
