د قرارداد ورکولو پرېکړې په تړاو د پوهنې وزارت خبرتیا
د پوهنې وزارت په پام کې لري چې د ۱۴۰۵ مالي کال لپاره د مرکزي ریاستونو په موخه د ۱۸ قلمه ټکنالوژیکي توکو برابرولو او پېرلو قرارداد په دوو لاټونو کې ورکړي.
د یاد قرارداد لومړی لاټ، چې دوه قلمه توکي پکې شامل دي، د حامد الفا لوژستیکي خدمتونو شرکت ته، چې د کابل ښار د دولسمې ناحیې د احمدشاه بابا مېنې په سیمه کې موقعیت لري، د ۴ میلیونه، ۷۶۸ زره او ۳۳۵ افغانیو په ټولیز ارزښت او دویم لاټ، چې ۱۶ قلمه توکي پکې شامل دي، د ملګري فضلي سوداګریز شرکت ته، چې د کابل ښار د شهرنو سیمې، آسایش ټاور څلورلارې ته څېرمه موقعیت لري، د ۴ میلیونه، ۵۴۱ زره او ۵۰۰ افغانیو په ټولیز ارزښت ورکړي.
ټول حقیقي او حکمي اشخاص چې په دې اړه هر ډول اعتراض لري، کولای شي، خپل شکایتونه د دې خبرتیا د خپرېدو له نېټې څخه د پنځو تقویمي ورځو په ترڅ کې، له اړوندو دلایلو سره یوځای، په لیکلي ډول د پوهنې وزارت د تدارکاتو ریاست ته، چې د کابل ښار، ده افغانان سیمې ته څېرمه موقعيت لري، وسپاري.
دا خبرتیا د قرارداد د عقد په معنا نه ده او تر هغه چې پورته ټاکل شوې موده بشپړه او ورپسې قانوني پړاوونه ترسره شوي نه وي، قرارداد نه منعقدېږي.
د پوهنې وزارت
د نشراتو او عامه اړیکو ریاست
