د کابل ښار د پوهنې ریاست له لوري د پکتیکا ولایت د ګیان ولسوالي له زلزله ځپلو خلکو سره (۱۱۷۷۰۰۰) افغانۍ نقدي مرسته وشوه
د پوهنې وزارت له لوري د کابل ښار د پوهنې ریاست د رئیس محترم مولوي احسان الله خطاب په مشري استول شوي هیئت د پکتیکا ولایت د ګیان ولسوالي اړوند په تیرو زلزلو کې د شهید شویو ۲۲ تنو زده کوونکو له کورنیو، د وچکې منځنۍ ښوونځي له ۲۹۸ زده کوونکو او د زلزلې له نورو ۱۶۴ تنو متاثرینو سره مجموعا یوولس لکه اوه اویازره (۱۱۷۷۰۰۰) افغانۍ نقدي مرسته وکړه.د یادونې وړ ده، چې یاده مرسته د کابل ښار د شپاړس ګونو تعلیمي حوزو د آمرینو، استادانو، کارمندانو او زده کوونکو له لوري را غونډه شوې او د کابل ښار د پوهنې ریاست مشرتابه ته سپارل شوې وه.
