د پوهنې له ډګره د ولایتونو لنډ خبرونه
لغمان
د لغمان ولایت پوهنې ریاست د قرغه یي ولسوالۍ سورکان کلي کې، له پاکستان څخه د راستنو شویو کډوالو ماشومانو لپاره ۳ موقتي درسي ټولګي جوړ او له دوی سره یې د لا زیاتو ښوونیزو همکاریو ژمنه وکړه.
ننګرهار
د ننګرهار ولایت پوهنې ریاست په تورخم کې، له پاکستان څخه پر ۳۰۰ راستنو شویو زده کوونکو ښوونیزو مواد ووېشل او له کډوالو یې وغوښتل، تر څو خپل ماشومان نویو جوړو شویو ټولګیو ته واستوي.
نیمروز
د نيمروز ولايت پوهني رياست د رقابتي آزمويني پروسه، د ولايت مقام او اداري اصلاحاتو کمېسيون د استازو په شتون کي، د ١٨٠ تنو نوماندانو په ګډون ترسره کړه.
ټاکل شوې، هغه کسان چې لوړې نمرې ترلاسه کړي، د یاد ولایت په ښوونځیو کې د قراردادي ښوونکو په توګه وګمارل شي.
همدارنګه:
د نیمروز ولایت افغان ترک لېسې ادارې، د یاد ولایت پوهنې ریاست په همغږۍ، د لسګونو تنو په شرایطو برابرو کسانو څخه د کانکور آزموینه واخیسته.
هلمند
د هلمند ولایت پوهنې ریاست له ۳۶۰ تنو فارغو کسانو څخه د رقابتي آزموینې بهیر په لاره اچولی، تر څو وړ کسان د یاد ولایت په دیني مدارسو کې د ښوونکو په توګه وګماري.
