د پوهنې وزارت کیفیت تضمین معین د کابل ښار له قلعه کاشف عالي لېسې څخه لیدنه وکړه
د پوهنې وزارت د کیفیت تضمین معین الحاج مولوي عبدالخالق صادق له ښوونځیو څخه د لیدنې په دوام، د کابل ښار قلعه کاشف عالي لېسې ته ولاړ او د یادې لېسې د زده کوونکو آزموینې له بهیر څخه یې لیدنه وکړه.
نوموړي د یادې لېسې له مسئولینو سره د هغوی د کړنو په تړاو خبرې وکړې، د هغوی نظریات، وړاندیزونه او ستونزې یې واورېدې.
د یادې لېسې ښوونکو د پوهنې وزارت له پلاوي څخه هرکلی وکړ او د یاد وزارت د مشرتابه له لوري یې د ځوانانو زده کړو ته د پاملرنې څخه قدرداني وکړه.
همدارنګه د پوهنې وزارت معین د قلعه کاشف عالي لېسې د مسئولینو او ښوونکو له هڅو د مننې ترڅنګ ژمنه وکړه، چې د دوی د ستونزو په حل کې به لازمه همکاري وکړي.
