په پکتيکا ولايت کې د زړه قلعه لېسه بياورغول شوه
د پکتيکا ولايت سروبي ولسوالۍ علم پروره خلکو په خپل مالي لګښت، د یادې ولسوالۍ د زړه قلعه عالي لېسې ودانۍ په اساسي ډول بیاځلې ورغوله.
د ياد ولايت پوهنې رئيس مولوي عبدالوکيل خالد په وينا، په دې پروژو کې د ۵ درسي ټولګي، د پاکو اوبو سيسټم فعالول او نور شامل دي، چې د بيارغونې په چارو يې ٣٥٠ زره افغانۍ لګښت راغلی دی.
نوموړي څرګنده کړه: په همدې ښوونځي کې پخوا ۶ درسي ټولګيو شتون درلود، چې د زده کوونکو لپاره کافي نه وو او د خلکو د پاملرنې له امله ۵ نورې درسي خونې هم جوړې شوې دي
