په بلخ ولايت کې یو باب دیني مدرسه پرانیستل شوه
د بلخ ولايت د پوهنې رئيس مفتي ابو عاصم محمد شريف عثماني له لوري، د پوهنې او نورو سيمه ييزو ادارو د مسئولينو او علماوو په شتون کې، د یاد ولایت دهدادي ولسوالۍ اړوند په شير آباد کلي کې یو باب دیني مدرسه تاسیس او پرانیستل شوه.
پوهنې رئیس د هېواد د ماشومانو لپاره د زده کړو د آسانتياوو برابرولو په اړه وويل: دغه دیني مدرسه د يادې ولسوالۍ د سوداګرو او پوهنې دوستو خلکو په مرسته د یو مېلیون ٢٠٠زره افغانيو په لګښت جوړه شوې او ځمکه يې هم د ځایي سوداګرو او خلکو په مالي ملاتړ د یو مېلیون٣٠٠زره افغانيو په لګښت اخيستل شوې، چې د پوهنې په واک کې ورکړل شوې ده.
د پوهنې وزارت رهبري د هېواد له پوهنیز نظام سره د خلکو په ځانګړې توګه د بلخ ولایت دهدادي ولسوالۍ د اوسېدونکو له ملاتړ او مرستو مننه کوي.
