د پکتیکا ولایت د سیمهییزو ټولګیو ښوونکو د مسلکي وړتیاوو لوړوالي په موخه سیمینار جوړ شو
د یو همکار بنسټ په مالي ملاتړ په پکتیکا ولایت کې د سیمهییزو ټولګیو د ۸۰۰ تنو ښوونکو د ښوونیزو مېتودونو، تدریسي مهارتونو او مؤثرو ښوونیزو لارو چارو په اړه شپږ ورځنی مېتودیکي سیمینار د "مؤثرې ښوونې" تر سرلیک لاندې پیل شو.
د یاد ولایت پوهنې رئیس محترم مولوي عبدالوکیل خالد، د سیمینار د پرانیستنې په مراسمو کې وویل: "یاد سیمینار به د ښوونکو مسلکي وړتیاوې لوړې او د تدریس کیفیت به لا پسې پیاوړی کړي او موږ هڅه کوو چې دا ډول علمي او ښوونیز پروګرامونه د پکتیکا ولایت ټولو سیمو ته پراخ کړو."
