د غور ولایت د تیورې ولسوالۍ پوهنې آمریت ودانۍ بنسټ ډبره کېښودل شوه
د غور ولایت د تیورې ولسوالۍ پوهنې آمریت د ودانۍ بنسټ ډبره پوهنې مسٸولینو، د ځینو محلي ادارو استازو او د دې ولسوالۍ د یو شمېر اوسېدونکو په حضور کې کېښودل شوه.
د تیورې ولسوالۍ پوهنې آمر وایي چې دغه ودانۍ به د ۸ اداري خونو او نورو اړوندو ملحقاتو په درلودلو سره د څه باندې ۶۰۰ زره افغانیو په لګښت د معارف غړو، محلي مسٸولینو او د تیورې ولسوالۍ د اوسېدونکو په ملاتړ او همکارۍ جوړه شي.
د پوهنې وزارت د غور ولایت د اوسېدونکو له هغو همکاریو او ملاتړ څخه هرکلی کوي چې د هېواد د ښوونیز نظام د پیاوړتیا لپاره یې ترسره کوي.
