د پوهنې وزارت د دعوت او ارشاد ریاست د تېرې یوې اوونۍ مهم فعالیتونه
(د ۱۴۰۵ لمریز کال د لړم/ عقرب میاشتې له ۹مې تر ۱۴مې نېټې پورې)
تېره اوونۍ، د پوهنې وزارت د دعوت او ارشاد ریاست د خواجه عبدالله انصاري ښوونځي له ښوونکو او زدهکوونکو سره علمي او اصلاحي پروګرام، په حدیقة العلوم خصوصي ښوونځي کې اصلاحي برنامه او په افغان ترک اریانا عالي لېسې کې علمي او اصلاحي سیمینارونه جوړ کړل.
سربېره پر دې، د کابل ښار ښوونکو ته یو ورځنی علمي، اصلاحي او روزنیز پروګرام هم وړاندې شوی دی.
په ورته وخت کې، د کابل ښار د تعلیمي حوزو د دعوت او ارشاد آمریتونو له لوري په ګڼو امارتي او خصوصي ښوونځیو، مدرسو او تعلیمي مرکزونو کې د دعوت او ارشاد د نصاب تدریس، اصلاحي بیانونه او روزنیز پروګرامونه ترسره شوي دي. په دغو پروګرامونو کې د لمانځه د الفاظو د سم ادا کولو، د سیرت او صورت د اصلاح، د حجاب د رعایت، د نارینهوو او ښځینهوو د اختلاط د مخنیوي، د ښوونیز یونیفورم د مراعاتولو او په جماعت سره د لمانځه د ادا کولو په اړه ښوونکو، زدهکوونکو او اړوندو مسوولینو ته لازمې دیني او اصلاحي لارښوونې شوې دي.
دغه راز، د دعوت او ارشاد ریاست په مرکزي دفتر کې د کارکوونکو د ورځني حضور، سیرت او صورت، درسي حلقو او په جماعت سره د لمانځه د ادا کولو بهیر په منظم ډول څارل شوی، څو د کاري نظم، دیني ژمنتیا او اداري مسوولیتونو د سم ترسره کېدو ډاډ ترلاسه شي.
د راپور له مخې، په مرکز او ولایتونو کې په ټولیز ډول له ۴۰۹ ښوونیزو مرکزونو څخه څارنه ترسره شوې ده.
همدارنګه، د تېرې اوونۍ په اوږدو کې د ازموینو پایلې توحید او ترتیب شوې، د مبلغینو شهرتونه چمتو او درسي مواد له اړوندو چارواکو سره شریک شوي دي.
