د ارزګان، لغمان او بلخ ولایتونو له دیني مدارسو څخه حافظان فارغ شول
د ارزګان ولایت مرکز ترینکوټ له المدرسة الاسلامیة الربانیة مدرسې څخه ۳۱ تنه، د لغمان ولایت بادپخ ولسوالۍ اړوند له جامعه خالد بن ولید (رضي الله عنه) مدرسې څخه ۴۴ تنه او د بلخ ولایت مرکز مزارشریف اړوند له اصحاب کهف مدرسې څخه ۲۰ تنه حافظان فارغ شول.
د یادو مدارسو فارغانو هر يو د جلا جلا پرتمینو مراسمو په ترڅ کې چې پګې د اړوندو ولايتونو د پوهنې رياستونو مشرتابه پلاوي، جیدو علماوو، قومي مخورو او د سيمه ييزو ادارو مسئولينو ګډون درلود؛ د فراغت جشن یې ونمانځل شو.
په دې مراسمو کې د اړوندو ولایتونو پوهنې رئیسانو او دیني علماوو فارغانو او د هغوی کورنیو ته د مبارکیو پرمهال، د دیني علومو ترڅنګ، عصري علومو او ټکنالوژۍ ته د علماوو لاسرسی اړین وباله او د هغوی پر زده کړې یې ټینګار وکړ.
نورو ويناوالو هم د قرآن عظيم الشان د علم په ارزښت او د ټولنې په اصلاح او پرمختګ کې د علماوو پر اغېزناک رول خبرې وکړې.
د یادو مراسمو په پای کې پر فارغینو ستاینلیکونه ووېشل شول او د هغوی پر سرونو د فضیلت پګړۍ وتړل شوې.
