د افغانستان.ا.ا. د بریا د څلورمې کليزې په مناسبت د پوهنې وزارت د سرپرست پيغام
بسم الله الرحمن الرحیم
د حمد او شکر په ادا کولو سره د پوهنې وزارت په استازیتوب، د ١.١.١ د سترې تاریخي بریا د څلورمې کلیزې (د زمري ۲۴مې ورځې) په مناسبت د هيواد ټولو مدرسینو، ښوونکو، طالبانو، زدهکوونکو، د پوهنې وزارت ټولو مسئولينو او منسوبینو او ټول افغان مجاهد ولس ته د مبارکي مراتب وړاندې کوم.
خوشحاله يو چې الحمدلله له نن څخه څلور کاله وړاندې د افغانستان اسلامي ا+م+ارت م+جاه+دين د الله تعالی په نصرت او زموږ د قهرمان ولس په هر اړخيز ملاتړ، د نه ستړې کېدونکو مبارزو او نه هیرېدونکو قربانیو په پایله کې وتوانېدل، چې شل کلن امريکايي اشغال پای ته ورسوي او امريکايان او د هغوی ائتلافيون د افغانستان له پاکې خاورې څخه تېښتې ته مجبور کړي.
د افغانستان.١.ا. له بریا سره په ټول هېواد کې سرتاسري امنيت تامين شوی او د هيواد د معنوي او مادي بيا رغونې په برخه کې ګټور پروګرامونه په لاره اچول شوي دي. له نېکه مرغه د ښوونې او روزنې په برخه کې هم د دیني او عصري علومو د عامولو، معياري کولو او د بې سوادي د له منځه وړلو په برخه کې ټولنې ته ارزښتناک خدمات عرضه شوي دي.
د پوهنې وزارت د هيواد ټولو مدرسینو، ښوونکو، استادانو او کارمندانو ته سپارښتنه کوي تر څو د هېواد د بچیانو په ښوونه او روزنه کې په پوره اخلاص سره زيار وباسي او خپلو دندو او مسئوليتونو ته ژمن او متعهد واوسي.
په پای کې يو ځل بيا د اسلامي ا+م+ارت د بريا د څلورمې کليزي په مناسبت درته د مبارکي مراتب وړاندې کوم.
والسلام
الحاج مولوي حبیب الله آغا
د پوهنې وزارت سرپرست
