د بامیان ولایت پوهنې ریاست څخه څو خبرونه
- په بامیان ولایت کې د سواد زده کړې ټولګیو پرانیستل؛
پوهنې وزارت په بامیان ولایت کې د ۱۱۶۰ تنو لپاره د سواد زده کړې ۵۸ بابه ټولګي جوړ کړل او ورپسې یې اړوند مهم درسي مواد هم ګډون والو ته ووېشل.
- له کډوالو ماشومانو څخه د سویې د تثبیت آزموینې اخیستل؛
د بامیان ولایت پوهنې ریاست د ۲۵ تنو راستانه شویو کډوالو زده کونکو څخه د سویې د تثبیت په موخه آزموینه واخیسته.
د یاد ولایت پوهنې رئیس قاري عنایت الله سهار، د آزموینې پر مهال څرګنده کړه چې؛ د پوهنې وزارت په جدي توګه هڅه کوي، ترڅو ډاډ ترلاسه کړي چې هېڅ کډوال یا له زدهکړو پاتې ماشوم له پوهې څخه محروم نه شي او باید د علم ترلاسه کولو لپاره، په مدارسو او ښوونځیو کې شامل شي.
- د رسول اکرم« صلی الله علیه وسلم» مدرسې جوړولو لپاره د ۲ جرېبه ځمکې وقف؛
د بامیان ولایت په یکاولنګ ولسوالۍ کې د مرحوم حاجي حسین داد زامنو لخوا، د رسول اکرم« صلی الله علیه وسلم» دیني مدرسې جوړولو لپاره ۲.۵ جرېبه ځمکه وقف شوه او د هغې سند په رسمي ډول د یاد ولایت پوهنې ریاست ته وسپارل شو.
پوهنې وزارت د هېوادوالو، په ځانګړې توګه د بامیان ولایت د عزتمندو او علم پاله خلکو، له مادي او معنوي مرستو څخه مننه کوي.
