د بلخ ولایت سرپرست والي د مرکزي دارالایتام څخه لیدنه وکړه
د بلخ ولایت سرپرست والي الحاج محمد یوسف وفا د دې ولایت د پوهنې رئیس مولوي عبدالجلیل شهید خیل سره یو ځای د یاد ولایت د ابو هریره (رض) له مرکزې دارالایتام څخه لیدنه وکړه.
د بلخ ولایت د پوهنې رئیس د ولایت مشرتابه ته د دې دارالایتام د جوړیدو او فعالیتونو په اړه معلومات ورکړل.
د بلخ سرپرست والي په خپلو خبرو کې وویل: چې یتیمانو ته پاملرنه او د اسانتیاوو برابرول د شهیدانو له وینو سره وفا ده او ټینګار یې وکړ چې له شهیدانو څخه پاتي ماشومان د شهیدانو امانت دي او د دوئ په سالیمه روزنه کې باید له هیڅ ډول هڅو څخه ډډه ونه شي.
د بلخ سرپرست والي د مدرسې له يتيمانو او زده کوونکو سره له نږدې لیدنه وکړه او له هغوي سره يې نغدي مرسته وکړه.
د یادوني وړ ده چې په دې دارالایتام کې ۷۵ زده کوونکي په دیني او عصري زده کړو بوخت دي.
