د لغمان ولایت له پوهنې ریاست سره د درسي کڅوړو مرسته وشوه
د یوه همکار بنسټ له لوري، د لغمان ولایت له پوهنې ریاست سره د ۳۱۳ زره او ۶۰۶ ډالرو په ارزښت، د ۵۹۲۸ کڅوړو درسي توکو مرسته وشوه.
د یاد ولایت پوهنې مسوولینو په وینا، په دغو مرستو کې د ښوونکو لپاره ۱۹۱۴ کڅوړې د درسي مرستندویه موادو او د زدهکوونکو لپاره ۲۱۰۰ کڅوړې قرطاسیه شامله ده، چې د ټاکل شوې ونډې له مخې به د مرکز او ولسوالیو اړوندو ښوونځیو ته ووېشل شي.
چارواکي وایي چې د دغو مرستو وېش به د ښوونیز بهیر پیاوړتیا او زدهکوونکو ته د لا ښو زدهکړو اسانتیاوو برابرولو کې مهم رول ولوبوي.
