د هېواد د خپلواکۍ د بېرته ترلاسه کولو د ۱۰۴ مې کلیزې په مناسبت د پوهنې وزارت د سرپرست پیغام
د هېواد د خپلواکۍ د بېرته ترلاسه کولو د ۱۰۴ مې کلیزې د رارسېدو په مناسبت، د ځان او د پوهنې وزارت مشرتابه له لوري، د افغانستان ټول مجاهد او مېړني ولس په ځانګړې توګه استادانو ، زده کوونکو او د ياد لوی ښوونيز کاروان ټولو لارویانو ته د زړه له کومې مبارکي وړاندې کوم.
لکه څنګه چې څرګنده ده، زموږ د هېواد وياړلی تاريخ زموږ د مېړني او مجاهد ولس له سرښندنو او مبارزو ډک دی، چې هر وخت يې په مېړانه سره بهرنيو يرغلګرو او دښمنانو ته شرموونکې ماتې ورکړې ده.
له دې فرصت څخه په استفادې یو ځل بیا د افغانستان خلکو ته د وخت د سترې امپراتورۍ د ماتې په مقابل کې د بریا مبارکي وایم.
ژوندی دې وي افغانستان
الحاج مولوی حبیب الله اغا
د پوهنې وزارت سرپرست
