د هېواد له پوهنیز نظام سره د عامو خلکو مرستې دوام لري
پوهنې وزارت سره د هېواد د علم پروره خلکو د مادي او معنوي مرستو په دوام، نن د لوګر ولایت محمداغې ولسوالۍاړوند د کتب خېلو کلي د علم پاله خلکو شورا د کتب خېلو عالي لېسې لپاره د ۳۵۰زره افغانیو په لګښت، یو باب عصري اداري خونه جوړیږي.
د یاد ولايت د پوهنې رياست مسئولينو په وينا، د نوي ۱۴۰۳ ښوونيز کال له پيل څخه تر اوسه پورې د کتب خېلو لېسې شورا له خوا د بېلابېلو څانګو سره ۵۰۰ زره افغانۍ مرسته شوې ده.
د پوهنې وزارت رهبري د هېواد د علمي شخصیتونو په ځانګړې توګه د لوګر ولایت محمداغې ولسوالۍ د پوهنې دوستو اوسېدونکو د علمي همکاریو قدرداني او ستاینه کوي.
