د ولایتونو د بشري سرچینو او اداري پراختيا کارکوونکو لپاره، د نوي تشکيلاتي جوړښت د پلي کېدو په تړاو، ښوونيز سيمينارونه جوړ شول.
د پوهنې وزارت د اسلامي زده کړو ریاست د نوي تشکيلاتي جوړښت د تطبیق په درشل کې، د دارالعلومونو، دارالحفاظونو او مدارسو د استادانو او کارکوونکو د ګمارلو په موخه، د ولایتونو د بشري سرچینو او اداري پراختيا لویو مدېرتونو کارکوونکو لپاره، د لارښوونې سيمينارونه جوړ شول.
په يادو سيمينارونو کې د پورته ذکر شوو کارکوونکو سربېره د ولايتي څانګو رئیسانو او رهبرۍ هم حضور درلود، چې په ترڅ کې يې روزونکو، د نوي تشکيلاتي جوړښت د تطبیق د معیارونو په اړه معلومات ورکړل.
ګډون والو د هر اړخيزو بحثونو ترڅنګ، د موضوع اړوند خپلې پوښتنې مطرح کړې، چې د روزونکو له لوري ورته مناسب ځوابونه ورکړل شول.
