د ولایتونو له پوهنې ډګره څو لنډ خبرونه
بادغیس
د بادغیس ولایت د پوهنې، د کار او ټولنیزو چارو ریاستونو ترمنځ د همغږۍ ګډه غونډه جوړه شوه.
په یاده غونډه کې پوهنې رئیس مولوي محب الله احسان او د یاد ولایت د کار او ټولنیزو چارو رئیس مولوي تورجان خادمي د دواړو ریاستونو ترمنځ د اداري چارو د لا ښه تر سره کېدو په ګډون په بېلابېلو موضوعاتو خبرې وکړې.
هرات
د هرات ولايت د مرکز او ولسواليو په سطحه ګډه غونډه، د پوهنې رياست مشرتابه، د علماوو شورا غړو او قومي مخورو په شتون کې جوړه شوه.
په یاده غونډه کې د هرات پوهنې رئیس د افغانستان.ا.ا. عالي مقام او د پوهنې وزارت د اصولو، مقرراتو او لارښوونو د تعقیب په ګډون په بېلابېلو موضوعاتو خبرې وکړې او د پوهنې وزارت د ښوونیز نصاب پر پلي کېدلو، د حاضریو پر پابندۍ او د دیني مدارسو د اداري او تدریسي چارو پر ټاکلي وخت پلي کېدو ټینګار وکړ.
هلمند
د هلمند ولایت پوهنې ریاست د یاد ولایت د شپې ښوونځیو لپاره د ۵۹ تنو حق الرحمه ښوونکو د ګمارلو په موخه، د یوې آزادې پروسې په ترڅ کې له ۱۸۳ تنو ګډون والو څخه آزموینه واخیسته.
سرپل
د سرپل ولايت پوهنې رئيس مولوي محمد رحماني د سيدآباد ولسوالۍ د پنجشېر په کلي کې د عثمانيه لېسې له اداري او تدريسي کړنو څخه ليدنه وکړه او د زده کوونکو د زده کړې کچه يې له نیږدې وارزوله.
