د ولایتونو له پوهنې کړنو څو لنډ خبرونه
غور
د پوهنې وزارت د ودانیو د ساتنې او مراقبت رئیس محترم مولوي سمېعالحق حماس، تازه غور ولایت ته رسمي سفر کړی.
نوموړي د یاد ولایت د لعلسرجنگل او فیروزکوه ولسوالیو له یو شمېر ښوونځیو څخه لیدنه ترسره او د پوهنې ریاست له مسئولینو سره یې د ښوونیز او روزنیز وضعیت او د پوهنې وزارت د ملکیتونو مسایل وڅېړل.
نیمروز
د پوهنې یوې ملاتړې ادارې له لوري، د نیمروز ولایت د مرکز او ولسوالیو ښوونځیو لپاره د لومړي تر پنځم ټولګي پورې ۲۸۵۷۴ ټوکه کتابونه مرسته شوې، چې ارزښت یې ۱۲۲۷۸۵۰ افغانی دی.
کابل
د کابل ولایت په دهسبز ولسوالۍ کې د ښوونځیو د اصولو صنفي ښوونکو، حافظانو او استادانو لپاره د وړتیا لوړولو سیمینار ترسره شو، چې ۱۲۰ ګډونوال پکې حاضر وو.
