د ولایتونو پوهنې کړنو ته لنډه کتنه
بغلان
د بغلان ولايت پوهنې رئيس الحاج مولوي محمدنور عزيزي د ياد ولايت دوشي ولسوالۍ ته ديوه رسمي سفر په ترڅ کې، د دغه ولسوالۍد پوهنې آمريت، ښوونځيو او مدارسو له اداري او تدريسي کړنو څخه کتنه وکړه.
پروان
د پروان ولايت پوهنې رئيس مولوي سيد محمد فيضي د ياد ولايت مرکز اړوند او توغبيردي عالي لېسې څخه څارنه وکړه او د زده کوونکو ښوونيزه کچه او اداري چارې يې په جلا جلا توګه وارزولې.
بامیان
د بامیان ولایت پوهنې آمريتونو او د عمومي زده کړو ښوونځيو ته د درسي توکو او درسي کتابونو د وېش بهیر، د ياد ولایت د پوهنې رئیس الحاج مولوي رحمت الله قندیلي او د پوهنې په برخه کې د همکارو بنسټونو د استازو په حضور کې پیل شو.
همدارنګه:
د باميان ولايت د علماوو شورا رئيس الحاج شيخ عبدالقيوم او ورسره مل پلاوي، د ياد ولايت له پوهنې رئيس سره وکتل او د پوهنې پر پرمختګ او پراختيا يې خبرې وکړې.
زابل
د زابل ولایت پوهنې ریاست اداري غونډه د ياد ولایت د پوهنې رئیس الحاج مولوي ګل ولي متقي په مشرۍ د سیمه ییزو ادارو او مرستندویه بنسټونو د مسئولینو په ګډون جوړه شوه او په ترڅ کې یې لازم تصمیمونه ونیول شول.
