د پوهنې محترم وزیر په بامیان ولایت کې د ۲ بابه ښوونځیو نوې ودانۍ پرانیستې

media-moe
شنبه ۱۴۰۴/۷/۱۲ - ۱۴:۳۰
سشی

د پوهنې وزیر محترم الحاج مولوي حبیب الله آغا بامیان ولایت ته د خپل رسمي سفر په ترڅ کې، د یاد ولایت د والي محترم مولوي عبدالله سرحدي په ملتیا، په سیغان او یکاولنګ ولسوالیو کې د ۲ بابه ښوونځیو نوې ودانۍ افتتاح او ګټې اخیستنې ته وسپارلې.

یادې ودانۍ چې له پوهنې سره د یوې همکارې ادارې په مالي مرسته د ۴۶ مېلیونه افغانیو په لګښت جوړې شوې دي، هره یوه یې ۱۶ درسي خونې، لابراتوارونه، د کنفرانسونو تالارونه، اداري خونې او د لوبو میدانونه لري.

همدارنګه په بامیان ولایت کې د ۲۴ بابه ښوونځیو بیارغونې او د ۴۶ نورو ښوونځیو لپاره د لمریزې برېښنا سیسټمونو نصبولو پروژې هم د پوهنې محترم وزیر له خوا د ۶۳ مېلیونه افغانیو په لګښت سره افتتاح شوې.

د پوهنې محترم وزیر د پورته ذکر شویو ښوونځیو او پروژو د پرانیستلو په مراسمو کې وویل: " موږ د موجوده اړتیاوو پر بنسټ، د زده‌کوونکو لپاره د مناسب تعلیمي چاپېریال رامنځته کولو ته لومړیتوب ورکړی او د دې اصل پلي کولو لپاره لازیاتې هڅې کوو."

تازه خبرونه

یکشنبه ۱۴۰۴/۸/۴ - ۱۰:۲۳
Background image

د خیبر پښتونخوا ایالت د سیمه‌ییزو مدارسو د استادانو  ارزونه ترسره شوه

د پوهنې وزارت د اتشه دفتر پلان له مخې، د یو ښوونیز سیمینار له ترسره کېدلو وروسته، د خیبر پښتونخوا ایالت د ټولو سیمه‌ییزو مدارسو د مدرسینو د تجوید قواعدو په اړه ارزونه ترسره شوه، چې په. . .

یکشنبه ۱۴۰۴/۸/۴ - ۱۰:۲۳
Background image

د کندهار زون د محترمو علما‌‌ءکرامو یو ورځنۍ ازموینې په اړه خبرتیا

د لوړو زده کړو وزارت د دیني درجو او تخصصاتو لوی ریاست په پام کې لري، د هغو محترمو علماءکرامو ازموینه چې په کندهار زون کې یې نوم‌لیکنه کړې ده، د شنبې ورځ، په۱۰/۵/۱۴۴۷ نېټه واخلي.
په همدې. . .

یکشنبه ۱۴۰۴/۸/۴ - ۱۰:۲۳
Background image

په غزني ولایت کې ښوونکو لپاره علمي سیمینار جوړ شو

د غزني ولایت پوهنې ریاست، د یوې همکارې ادارې په مالي ملاتړ،  د مرکز اړوند رسمي او خصوصي ښوونځيو د ۲۵۰ تنو ښوونکو لپاره «د اسلامي ښوونې او روزنې ارزښتونه او اصول» تر سرلیک لاندې سیمینار. . .

BACK TO NEWS