د پوهنې وزارت د ساینس او ​​ټکنالوژۍ ښوونيز مرکز اړوند دآنلاين زده کړو ډیجیټل اسټډیوګانې په رسمي ډول پرانیستل شوې

media-moe
شنبه ۱۴۰۲/۹/۱۱ - ۱۰:۲۶
17

د پوهنې وزارت د ساینس او ​​ټکنالوژۍ ښوونيز مرکز د آنلاين زده کړو ډیجیټل اسټډیو ګانې په رسمي ډول، د پوهنې وزارت د سرپرست الحاج مولوي حبیب الله آغا له لوري، په داسې حال کې پرانیستل شوې، چې د ياد وزارت د ښوونکو مسلکي پراختيا او نصاب لوى رئیس الحاج مولوي ګل ایوبي او د دغه وزارت یو شمېر مرکزي رئیسانو هم حضور درلود.

ياد مراسم د قرآن کريم د څو مبارکو آیتونو په تلاوت سره پیل شول، ورپسې د آنلاين زده کړو اړوند د ډیجیټل اسټډیوګانو د کړنو وېډیويي راپور د ګډون والو په وړاندې ننداره شو.

په ياده غونډه کې د پوهنې وزارت سرپرست د ډيجيټل اسټډیوګانو د پرانيستنې پر مهال، د ښوونکو د مسلکي پراختيا او نصاب د لوى ریاست مشرتابه او کارکوونکو له هلو ځلو څخه د قدردانۍ ترڅنګ، د دغه اسټډیوګانو اهمیت په ډاګه کړ.

دغه راز نوموړي څرګنده کړه، دا لومړي ځل دى، چې د پوهنې وزارت په اډانه کې د آنلاين زده کړو په موخه ډیجیټل اسټډیوګانو سیستم تاسيس شوی دی.

په ورته وخت کې د ښوونکو د مسلکي پراختيا او نصاب لوى رئيس هم د پوهنې وزارت لپاره د يادو اسټډيوګانو د اړتيا په اړه خبرې وکړې او ويې ويل، چې د آنلاين زده کړو ډيجيټل اسټډيوګانې د يونيسکو او آيسيسکو په مالي مرسته جوړې او پرانيستل شوې.

نوموړي زیاته کړه، د پوهنې وزارت په پام کې لري، تر څو دغه اسټډیوګانې د پوهنې وزارت د ښوونيز نصاب په ګډون د درسونو په ځانګړي ډول د فزیک، کیمیا، بیولوژي، ریاضي مضامينو د تجربو د ثبتولو لپاره وکاروي.

په پاى کې د پوهنې وزارت مقام له لوري د ياد رياست مسئولينو ته ستاينليکونه ورکړل شول.

تازه خبرونه

یکشنبه ۱۴۰۲/۱۲/۶ - ۱۴:۲
Background image

د هېواد په يو شمېر ولايتونو کې د ديني مدارسو د زده کوونکو فراغت غونډې تر سره شوې

په ارزګان ولایت کې د سعادة العمریة او الفرقانیة له دارالعلومونو، کندهار ولایت کې د خالد بن ولید (رضي الله عنه) له مدرسې او په خوست ولایت کې له جامعة مدینة مدرسې څخه لسګونه حافظان او ط. . .

یکشنبه ۱۴۰۲/۱۲/۶ - ۱۳:۳۴
Background image

د ځينو ولایتونو له پوهنې ډګره د خبرونو لنډيز

نیمروز، ارزګان او لوګر:

د پوهنې وزارت د ساینس مرکز ریاست پلاوی نیمروز، ارزګان او لوګر ولایتونو ته په رسمي سفر تللی او د یادو ولایتونو د پوهنې له رئیسانو او مشرانو سره یې د لیدنې پر. . .

یکشنبه ۱۴۰۲/۱۲/۶ - ۱۳:۲۹
Background image

په جوزجان ولايت کې یو باب ښوونځی پرانیستل شو

د جوزجان ولایت خواجه دوکوه ولسوالۍ اړوند په چوغان کلي کې، یو باب لومړنی ښوونځی د یو لړ مراسمو په ترڅ کې د پوهنې رئیس، علماوو، قومي مخورو او د سیمې د خلکو په ګډون پرانیستل شو.

د یاد. . .

BACK TO NEWS