د پوهنې وزارت د سرپرست له لوري په هرات ولایت کې د یوې دیني مدرسې د بنسټ ډبره کېښودل شوه
د پوهنې وزارت سرپرست الحاج مولوي حبیب الله آغا په داسې حال کې چې د یاد وزارت د بهرنیو اړیکو رئیس استاد وحیدالله هاشمي، د پوهنې رئیس او مرستیال مولوي رحمت الله جابر او یو شمېر علماوو یې هم ملتیا کوله، د هرات زنده جان ولسوالۍ ته ولاړ او د یادې ولسوالۍ د وروستۍ زلزلې د شهیدانو له کورنیو سره یې د کتنې په ترڅ کې، د نائب رفېع کلي کې دیوې دیني مدرسې د بنسټ ډبره هم کېښوده.
د يادونې وړ ده، چې یاده مدرسه د سيمې د اوسېدونکو په غوښتنه او د پوهنې وزارت د مشرتابه په هڅو د دغه وزارت له بودجې څخه په پاخه او اساسي ډول جوړېږي.
د يادې ولسوالۍ علماوو او اوسېدونکو د پوهنې وزارت د مشرتابه دغه اقدام وستايه او دیاد ولايت د نورو ښوونیزو بنسټونو د بيارغونې غوښتنه يې وکړه.
