د پکتیکا ولایت په یوباب لېسه کې کتابتون پرانیستل شو
د سید جلال بخاري لېسې لپاره جوړ شوی نوی کتابتون د پکتیکا ولایت په مرکز ښرنه کې د یو لړ هغو رسمي مراسمو په ترڅ کې پرانستل شو، چې پکې د پوهنې ریاست استازو، علماءکرامو او یو شمېر سیمهییزو شخصیتونو هم ګډون درلود.
د پوهنې ریاست چارواکو د لېسې له رهبرۍ او د والدینو شورا څخه د یاد کتابتون په جوړولو کې د فعالې ونډې له امله مننه وکړه.
د یادې لېسې آمر د کتابتون جوړولو پروسې په اړه هم ګډونوالو ته معلومات ورکړل او ویې ویل چې تر اوسه پورې د کتابتون لپاره ۱۰۰۰ ټوکه مختلف علمي او مطالعاتي کتابونه راټول او دا پروسه لاهم روانه ده.
د یادونې وړ ده چې همدغه کتابتون به د زدهکوونکو علمي کچې لوړولو سربېره د لوستلو کلتور ته وده ورکولو کې هم مؤثر رول ولوبوي.
