د کابل ولایت په اړوندو کې د یو باب ښوونځي نوې ودانۍ پرانیستل شوه
د کابل ولایت چهار اسیاب ولسوالۍ اړوند "کاروان اسلامي" لومړني ښوونځي نوې ودانۍ د یو خیریه بنسټ په مالي ملاتړ د ۱۱ مېلیونه افغانیو په لګښت د یو لړ مراسمو په ترڅ کې پرانیستل شوه.
د پوهنې وزارت د تمویلوونکو او بهرنیو اړیکو رئیس محترم مولوي حسیب الله صاحبزاده، د جاپان سفیر، کابل ولایت پوهنې رئیس مولوي عبدالسلام شعیب، یو شمېر سیمهییزو علماءکرامو او مخورو ګډون درلود.
د ښوونځي دغه نوې ودانۍ ۵ درسي ټولګي، یوه اداري خونه، احاطوي دېوال، د څښاک پاکو اوبو یو حلقه څاه، د لمریزې برېښنا سیسټم او ځینې نور اړین ملحقات لري.
