د کابل ښار د ښوونځیو سپورټي لوبډلو ترمنځ سوکوهنې سیالۍ پیل شوې
په دې وروستیو کې د پوهنې وزارت د اساسي او ثانوي زده کړو ریاست د بدني روزنې مسئولینو لخوا، د سوکوهنې ملي لوبډلې لپاره د غوره لوبغاړو ټاکنې په موخه، د پوهنې کلپ د ۲۱ تنو لوبغاړو ترمنځ د سوکوهنې سیالۍ د اولمپیک ملي کمېټې په سوکوهنې فدراسیون کې ترسره شوې.
په پایله کې د لوبغاړو ترمنځ تر سختو سیالیو وروسته، د پوهنې کلپ څخه نقیب الله په ۷۵ کیلوګرام وزن کې لومړی مقام، عزیز په ۶۰ کیلوګرام وزن کې دویم مقام او احمدزي په ۴۸ کیلوګرام وزن کې درېیم مقام ترلاسه کړ، چې د پوهنې وزارت د اساسي او ثانوي زدهکړو ریاست او اولمپیک ملي کمېټې لخوا د یادو سیالیو ګټونکو لوبغاړو ته جایزې او ډالۍ هم ورکړل شوې.
