د کرنې، اوبو لګولو او مالدارۍ وزارت لخوا پوهنې وزارت ته ۱۵ جرېبه ځمکه ولېږدول شوه
د پوهنې وزارت په وړانديز او د عالیقدر امیرالمؤمنین (حفظه الله تعالی) د ځانګړي حکم پر بنسټ، پوهنې وزارت ته د کندهار په میوند ولسوالۍ کې ۵ جرېبه او د ننګرهار ولایت رودات ولسوالۍ کې ۱۰ جرېبه ځمکه رسماً پوهنې وزارت ته انتقال شوه.
د یادونې وړ ده چې د همدغې ځمکې د لېږد او هوکړه لیک لاسلیکولو په مراسمو کې د کرنې، اوبو لګولو او مالدارۍ وزارت د ځمکو د انتقال او وېش رئیس مولوي سید محمد "سعید" او د پوهنې وزارت د ملکیتونو او ودانیو د ساتنې او مراقبت رئيس مولوي سميع الحق "حماس" هم ګډون درلود.
د پوهنې وزارت مشرتابه د پوهنیز نظام پیاوړتیا برخو کې د افغانستان علم پرور ملت او رسمي ادارو له هڅو مننه کوي.
