د یو شمېر ولایتونو په مدارسو کې «د صرف او نحوې» سیالۍ پیل شوې
د پوهنې وزارت د اسلامي زده کړو معینیت له لوري، د کونړ، بغلان، نیمروز او هلمند ولایتونو د دارالعلومونو د طلابو ترمنځ علمي سیالۍ پیل شوې.
په همدې مناسبت، د پوهنې وزارت د دارالعلومونو یو شمېر مسئولین د یادو سیالیو څارنې په موخه دغو ولایتونو ته تللي دي، چې په ترڅ کې یې د مدارسو او دارالعلومونو رئیس محترم عبدالقدوس قدوسي هم بغلان ولایت په رسمي سفر رسېدلی دی.
د پوهنې وزارت د اسلامي زده کړو معینیت د چارواکو په وینا، دغه سیالۍ په بشپړ روڼ چاپېریال کې ترسره کېږي او د پوښتنو بکس هم د اړوندو ولایتونو د پوهنې رئیسانو او د ازموینې پلاوي په حضور کې پرانیستل کېږي.
هغوی زیاته کړه چې د پورته ذکر شویو علمي سیالیو په پای کې به د چارواکو لخوا ممتازو ګډونوالو ته ډالۍ او ستاینلیکونه ووېشل شي.
