په جوزجان ولایت کې د ښوونځیو لپاره د ۲۵۰ پایې مېزونو - څوکیو مرسته وشوه
د پوهنې یوې ملاتړې ادارې، د جوزجان ولایت مرکز اړوند د عرب خانې او جنرال عبدالحکیم لېسو لپاره ۲۵۰پایې دوه نفره مېزونو-څوکیو مرسته وکړه. د یاد ولایت پوهنې رئیس الحاج مولوي سید حفیظ الله معتصم بالله د پوهنې له ملاتړو بنسټونو څخه د مننې په ترڅ کې زیاته کړه، هڅه کوو چې د خپلو ښوونځیو نیمګړتیاوې او اړتیاوې د پوهنې له بودیجې، همکارو ادارو او په ټولنه کې د علم پروره خلکو له مرستو څخه بشپړ کړو. د يادو ښوونځيو مسئولينو او زده کوونکو هم د خپلو ښوونځيو په مېزونو - څوکيو تجهیزولو خوښي څرګنده کړه.
