په خوست ولایت کې له م.جاهدینو څخه د سويې د تثبيت آزموینه واخیستل شوه
د پوهنې وزارت له لوري په خوست ولایت کې، د افغانستان.ا.ا. له شاوخوا ۴ زره ۵۰۰ تنو م.جاهدینو څخه د هغوی د سویې د تثبیت آزموینه واخیستل شوه. د یاد ولایت پوهنې رئيس ، يو شمېر استادانو او علماء کرامو د یادې آزموینې لړۍ له نیږدې ولیده او ګډون والو ته یې د پوره روڼتیا ډاډ ورکړ. د دغه آزموینې ګډون وال په تېرو دوو لسیزو کې د ج.هادي بوختیاو له امله د خپلو زده کړو څخه پاتې شوې وو. د يادونې وړ ده، چې د آزموينې د پايلو له ارزونې وروسته به نوماندان د خپلو زده کړو د دوام په موخه، د هغوی د سويې سره سم د ښوونځيو په یوولسم او دولسمو ټولګیو کې شامل شي. په ورته مهال د آزموینې ګډون والو د زده کړو له آسانتیاوو له امله د پوهنې وزارت مشرتابه څخه خوښي څرګنده او له نورو هېوادوالو يې وغوښتل، تر څو له شته فرصتونو په استفادې خپلې زده کړې بشپړې کړي.
