په دایکنډي ولایت کې د یوباب ښوونځي د ودانۍ د بنسټ ډبره کېښودل شو
د دايکنډي ولايت په شهرستان ولسوالۍ کې د نسوان غاسور عالي لېسې د ودانۍ لپاره د بنسټ ډبره کېښودل شوه.
په هغو مراسمو کې چې په همدې موخه جوړ شوي وو، د پوهنې ریاست مشرتابه، علماء کرامو، ګڼ شمیر قومي مخورو او د زده کوونکو والدینو برخه اخیستې وه.
د ښوونځي دغه ودانۍ ۱۲ درسي ټولګي له اړینو ملحقاتو او وسایلو سره لري، چې د خیریه اشخاصو او د زده کوونکو د والدینو په مرسته به د ۳میلیونه افغانیو په لګښت په پاخه او اساسي ډول جوړه شي.
د دايکنډي پوهنې رئيس قاري عنايت الله سهار په وينا، تر دې وړاندې د یاد ښوونځي زده کوونکو په غير معیاري چاپېريال کې زده کړې کولې.
د يادونې وړ ده، چې دغه لېسه په خپله رسمي اډانه کې ۲۹۰ تنه زده کوونکي،۱۰ تنه ښوونکي او کارکوونکي لري.
د پوهنې وزارت مشرتابه د دایکنډي ولایت د علم پاله خلکو له ملاتړ مننه کوي.
