په غزني ولایت کې د یوې دیني مدرسې نوې ودانۍ جوړه او ګټې اخیستنې ته وسپارل شوه
د غزني ولایت اندړو ولسوالۍ اړوند په حسنخان کلي کې «د اصحاب صفه دیني مدرسې» نوې ودانۍ، چې د یوه محلي سوداګرت لخوا په درې میلیونه افغانیو لګښت جوړه شوې، د یاد ولایت پوهنې رئیس محترم الحاج مولوي میر نصیر احمد حسینی په حضور کې رسماً پرانیستل شوه.
یاده مدرسه ۱۱ درسي ټولګي او یوه اداري خونه لري، چې د څښاک پاکو اوبو او برېښنا یي منظم سیستم څخه هم برخمنه ده.
د غزني پوهنې رئیس د سیمې د خلکو او خیریه اشخاصو له دوامداره ملاتړ څخه د مننې ترڅنګ وویل، چې د دغې مدرسې په پرانیستلو سره به شاوخوا ۴۰۰تنه زدهکوونکو ته د دیني زدهکړو مناسب امکانات برابر شي.
