په غزني ولایت کې د ۲۰۰ زره افغانیو په لګښت د یو باب ښوونځي لپاره د څښاک پاکو اوبو سیسټم جوړ شو
د غزني ولایت په قره باغ ولسوالۍ کې د قلوچ لېسې لپاره د څښاک پاکو اوبو رسولو د سیسټم جوړېدو په موخه، د ۲۰۰ زره افغانیو په لګښت د سیمه ییزو خلکو په مالي مرسته د پاکو اوبو یو حلقه څاه وکیندل شو.
د يادې ولسوالۍ پوهنې مسئولين وايي، چې د یاد سيسټم په جوړېدو سره د همدغه لېسې د زده کوونکو او مسئولينو حفظ الصحوي ستونزې په بشپړه توګه حل شوې.
د پوهنې وزارت د غزني ولایت د خلکو له مرستو او ملاتړ قدرداني کوي.
