په فاریاب ولایت کې د ۱۵،۳ مېلیونه افغانیو په لګښت د یو باب ښوونځي د ودانۍ جوړېدو چارې پیل شوې
د فارياب ولایت پوهنې رئيس الحاج مولوي محمد طاهر جواد د یاد ولايت ګرزيوان ولسوالۍ اړوند په خواجه غار کلي کې، د يو لومړني ښوونځي د ودانۍ بنسټ ډبرې اېښودلو پر مهال وويل: د دغه ښوونځي د جوړېدو لګښت ۱۵،۳ مېليونه افغانۍ اټکل شوى، چې ټاکل شوې ده، چارې یې په راتلونکو ۶ میاشتو کې د یو مرستندویه ادارې په مالي ملاتړ پای ته ورسېږي.
د سیمې اوسېدونکو د دغه ښوونځي جوړېدل د پوهنیزو ستونزو په حل کې ګټور وبلل او د پوهنې وزارت له پروګرامونو يې خپل ملاتړ اعلان کړ.
