په لغمان ولایت کې ۳۱ تنه حافظان فارغ شول
د لغمان ولایت علیشنګ ولسوالۍ اړينه کلي کې د یو لړ مراسمو په ترڅ کې، چې پکې پوهنې رياست مشرتابه، مسئولینو، علماوو او د زده کوونکو والدينو برخه اخیستې وه، د قرآن کريم د۳۱حافظانو پر سرونو د فضیلت پګړۍ وتړل شوې.
په ياده پرتمینه غونډه کې د پوهنې ریاست مسئولینو او دیني علماوو د خپلو ویناوو په ترڅ کې فارغانو او د هغوی کورنیو ته د مبارکۍ تر څنګ، د قرآن عظیم الشان د حفظ فضیلت او په ټولنه کې د دیني علماوو د مقام په اړه خبرې وکړې، د دیني او عصري علومو زده کړه يې اړینه وبلله
د. یادولو وړ ده چې په فارغانو کې ۱۰ تنه ښځې او پاتې نور نارینه وو.
ياد مراسم په دعائيې او د حافظانو پر سرونو د پګړيو تړلو سره پای ته ورسېدل.
