په لوګر کې ۲ ښوونځي بیا ورغول شول
د پوهنې وزارت، لوګر: د لوګر ولایت د محمدآغې ولسوالۍ د سرخ آباد او آببازک ښوونځیو د ودانیو د بیا رغونې کارونه بشپړ شول.
یاد ښوونځۍ د پوهنې ریاست په هلوځلو د پوهنې وزارت د عادي بودجې له لارې بیا رغول شوی دی. چې د دواړو ښوونځیو په بیا رغولو سره شاوخوا ۱۴۰۰ زده کوونکو ته د زده کړو لازم ښوونیز چاپیریال برابر شو.
د لوګر د پوهنې رئیس سید عزیز احمد هاشمي د نوموړو ښوونځیو په بیا رغونې خوښي وښوده، د ښوونکو او زده کوونکو نه یې غوښتنه وکړه چې د ښوونځیو د ودانیو ساتنې ته دې خاصه پاملرنه وکړي.
