په هلمند ولایت کې د ښوونځیو زدهکوونکو لپاره د قرطاسیې او درسي کتابونو وېش بهیر پیل شو
د هېواد په ګرمو ولایتونو کې د نوي ښوونیز کال په رارسېدو سره، د هلمند مرکز لښکرګاه ښار او د یاد ولایت په ولسوالیو کې د تعلیمي مرکزونو له ۶۹ زره تنو څخه زیاتو زدهکوونکو لپاره د قرطاسیې او درسي کتابونو وېش پیل شوی دی.
پورته ذکر شوي مواد، چې د پوهنې وزارت سره د یوې همکارې ادارې لخوا تمویلېږي، پکې د قرطاسیې او درسي کتابونو ۲۸ زره ۰۴۸ کڅوړې شاملې دي.
د پورته ذکر شويو موادو وېش پروسې د پرانیستې په مراسمو کې، د هلمند ولایت پوهنې رئیس محترم الحاج مولوي محمد عوض انصاري، د ګدامونو چارواکو ته لارښوونه وکړه چې پورته ذکر شوي مواد او قرطاسیه په منظم ډول د مرکز او ولسوالیو تعلیمي مرکزونو ته ووېشي.
