په پروان ولایت کې له راستنو شویو کډوالو ماشومانو څخه د تعلیمي سویې د تثبیت ازموینه واخیستل شوه
د پروان ولایت پوهنې ریاست هېواد ته د راستنو شویو کډوالو ماشومانو د تعلیمي سویې د ټاکلو په موخه، د شاوخوا ۷۰۰ تنو ماشومانو څخه د پوهنې وزارت د پالیسۍ له مخې د سویې د تثبیت ازموینه واخیسته.
د یاد ولایت پوهنې رئیس محترم الحاج مولوي محمد فرید حقاني د دغې ازموینې د پیل په مراسمو کې د زدهکړو پر اهمیت او د ماشومانو لپاره د ښوونیزو اسانتیاوو برابرولو په اړه خبرې وکړې.
نوموړي وویل، ټاکل شوې ده چې دغه زدهکوونکي د خپلې تعلیمي سویې له تثبیت وروسته د یاد ولایت په ښوونځیو کې د خپلو سویو مطابق په مختلفو ټولګیو کې جذب او خپلو زدهکړو ته دوام ورکړي.
