په کابل ښار پوهنې ریاست کې د ۳،۵ مېلیونه افغانیو په ارزښت د بیارغونې پروژې پیل شوې
د کابل ښار پوهنې رئیس قاري عبدالباسط حقاني له لوري د یو شمېر مسئولینو په حضور کې، د یاد ریاست اړوند د بیارغونې چارې په رسمي ډول پیل شوې.
په یادو پروژو کې د ودانیو ترمیم، رنګول او د انګړ کانګرېټ کول شامل دي.
د همدغو رغنیزو پروژو ټولیز لګښت ۳.۵ مېلیونه افغانۍ اټکل شوی، چې د پوهنې وزارت له بودیجې څخه تمویلېږي.
د کابل ښار پوهنې رئيس د يادو پروژو د پرانيستې په مراسمو کې وویل، د پوهنې وزارت ژمن دی تر څو مراجعینو ته په اداري چارو کې لازمې آسانتیاوې رامنځته کړي.
د یادونې وړ ده چې د همدغو پروژو رغنیزې چارې به د یوې میاشتې په ترڅ کې بشپړې او ګتې اخیستنې ته چمتو شي.
