په میدان وردګ کې د زده کوونکو تر منځ د نبوي سیرت سیالۍ ترسره شوي
د پوهنې وزارت، میدان وردګ: د میدان وردګ ولایت د پوهنې ریاست په نوښت د یاد ولایت دمرکز او ولسوالیو د ښوونځیو ۶۵۰ تنو زده کوونکو ترمنځ د نبوی سیرت سیالۍ ترسره شوي.
په هغه غونډه کې چې په همدې موخه د میدان وردګو ولایت د غونډو په تالار کې جوړه شوي وه دیاد ولایت د والي عبدالرحمن طارق سربیره د پوهنې رئیس محمد اقا، د دولتي ادارو رئیسانو، قومي مشرانو، مدني فعالانو او یوشمیر زده کوونکو ګډون کړی وه.
یاده سیالۍ د ۶۵۰ تنو زده کوونکو ترمنځ تر سره شوي چې د سیالۍ په پایله کې عبدالوهاب د خان وزیر زوي لمړي مقام ۲۲ نجونې او څلویښت هلکان پکې ممتاز وپېژندل شول.
د میدان وردګو والی عبدالرحمن طارق د پوهنې ریاست د مشرتابه نه د مننې تر ځنګ د زده کوونکو تر منځ همدارنګه سیالیو ترسره کول د زده کوونکو د علمي سطحي په لوړه ولو کې مهم او اغیزناکه وبلل.
ښاغلي طارق د میدان وردګو دټولو خلکو نه وغوښتل چې په خپلو اولادونه زده کړي وکړي، تر څو د غوره علمي شتمني برخوال شي.
د یاد ولایت د پوهنې رئيس د زده کوونکو ترمنځ د سیالیو جوړول د هغوې د ذهني ودې لپاره خورا ګټور وبلل او یادونه یې وکړه، چې د دغو سیالیو لړۍ به د میدان وردګو نورو ښوونځيو ته هم وغځوي.
د هغه په وینا له دې کار سره به له یو لوري تکړه زده کوونکو تشویق او له بل لوري به ټول زده کوونکي وهڅول شي، چې په خپلو درسونو کې کوښښ وکړي.
د یادونې وړ ده چې په دغه سیالۍ کې ممتاز زده کوونکي د کمپيوټر، موبایلونو، کتابونو او ستاینلیکونو په ورکولو سره وستایل شول.
