بدخشان ولايت کې د پوهنې او فرهنګ سکتور ترمينځ غونډه جوړه شوه
پوهنې وزارت، بدخشان: د بدخشان ولایت پوهنې ریاست د ښووني او روزنې سکتوري غونډه د یاد ولایت د پوهنې رئيس ډاکټر روح الله محقق په مشرۍ د یاد ریاست د غونډو تالار کې جوړه شوه او د اړوندو څانګو پر بیلا بیلو موضوعاتو بحث او خبرې اترې وشوې.
په یاده غونډه کې، ښوونځیو ته د ودانیو جوړولو لپاره د مرستې راټولول، د ۱۴۰۰ کال د همکارو موسسو د لومړیو شپږو میاشتو راپور وړاندې کول، د پوهنې ریاست سره د همکارو موسسو د پلان شریکول او نورو اړوندو مسایلو باندې خبرې وشوې.
د پوهنې رئيس د پوهنې او کلتور سکتوري ناسته خورا مهمه او بنسټیزه وبلله زیاته يې کړه، یاده غونډه په میاشت کې یو ځل جوړیږي، چې د دولتي نهادونو او بنسټونو لخوا د خپلو ادارو اړتیاوې او وړاندیزونه د پوهنې ریاست همکارو موسسو سره، د مرستې او همکارۍ د جلب په موخه شريکيږي.
د غونډې ګډونوالو د پوهنې رئيس هلې ځلې وستايلې چې غونډه يې په ښه توګه مديريت او رهبري کړه، خپلې ستونزې او ننګونې یې ورسره شریکې کړې او د حل غوښتنه يې وکړه.
