د پوهنې وزارت د ښوونې او روزنې معین پروان ولایت ته رسمي سفر وکړ
د پوهنې وزارت د ښوونې او روزنې معین الحاج مولوي سخاءالله سعید په مشرۍ پلاوی پروان ولایت ته ولاړ.
هغه مراسم چې یاد ولایت ته د پلاوي د سفر په موخه دایر شوي وو، د کلام الله مجید د څو مبارکو آیتونو په تلاوت سره پیل شول.
د پروان ولایت پوهنې رئیس مفتي محمد حسن حقاني، یاد ولایت ته د پوهنې د معین له سفر هرکلی وکړ.
ورپسې د پوهنې وزارت معین پروان ولایت ته د پلاوي د سفر موخه، د یاد ولایت پوهنې چارو ارزونه، د ښوونیز وضعیت لا ښه والي لپاره لازمې مشورې، د ښوونکو او اداري کارکوونکو د وړتیاوو لوړول، د ښوونیز وضعیت څېړل او د.ا.ا.ا. عالي مشرتابه د لارښوونې په بنسټ د لیلیه مدارسو جوړول وبلل.
د غونډې په پای کې د یاد ولایت پوهنې رئیس پلاوي ته د سفر د پلانونو د پلي کولو په برخه کې د هر ډول همکارۍ ډاډ ورکړ.
