له مرکز او ولایتونو د پوهنې خبرونو لنډیز

media-moe
یکشنبه ۱۴۰۲/۹/۱۲ - ۱۰:۳۸
789

هرات

د هرات ښار اړوند د افغان-ترک ښوونځیو د زده کوونکو علمي او فرهنګي نندارتون د پوهنې رئیس، د ترکیې د قونسلګرۍ، دیني علماوو، ښوونکو او د پوهنې مسئولینو په حضور کې،د یاد ولایت افغان-ترک ښوونځي د کنفرانسونو په تالار کې پرانیستل شو.

د هرات پوهنې رئیس د زده کوونکو د استعدادونو د ودې په برخه کې د افغان – ترک ښوونځيو له هڅو د ستاينې په ترڅ کې، د زده کوونکو د علمي استعدادونو د ودې په موخه د دا ډول نندارتونونو جوړول مهم او ارزښتناک وبلل.

پکتیکا

د قرآن عظیم الشان د حفظ او حسن قرائت سیالۍ چې څه موده وړاندې د پکتیکا ولایت ارګون ولسوالۍ د یو شمېر مدارسو زده کوونکو ترمنځ په لاره اچول شوې وې، اوس یې پایلې اعلان شوې.

په یادو مراسمو کې د پوهنې رئیس تر څنګ یو شمېر دیني علماوو هم برخه اخیستې وه او د مسئولینو له لوري ممتاز زده کوونکي وستایل شول.

نیمروز

د نیمروز ولایت پوهنې رئیس مولوي ګل احمد حقاني او ورسره مل تخنیکي ټېم، د مرکز اړوند آخندزاده محمد علم او د سیستان عالي لېسو بیارغونې چارې وڅارلې.

نوموړي له ساختماني شرکت وغوښتل، چې د يادو ښوونځيو بيارغونې چارې د قرارداد له مخې ترسره کړي.

کابل

د کابل ښار پوهنې رئیس قاري عبدالباسط حقاني د دولسمې ناحیې له پوهنې مسئولینو سره وکتل او له هغوی یې وغوښتل ، تر څو خپلې اداري او تدریسي چارې د پوهنې وزارت د کړنلارې له مخې ترسره کړي.

له بلې خوا د خصوصي ښوونځيو مسئولينو له پوهنې رئيس سره خپلې ستونزې او وړانديزونه شریک او د حل غوښتنه يې وکړه.

سمنګان

د سمنګانو ولايت پوهنې رئيس الحاج مولوي نصرت الله فيضاني د یاد ولايت د دوآب ولسوالۍ د پوهنې له مسئولينو سره په کتنه کې د پوهنې عمومي وضعيت په اړه خبرې وکړې او له هغوی سره يې د همکارۍ ژمنه وکړه.

همدا راز نوموړي اداري ، تدریسي ، د بیارغونې چارې او د د زده کوونکو د زده کړو کچه و ارزوله، د یادې ولسوالۍ د یو شمېر ښوونځیو او مدارسو د آزموینې له بهیر څخه یې هم څارنه وکړه.

تازه خبرونه

سه‌شنبه ۱۴۰۴/۱۲/۲۸ - ۱۳:۴۵
Background image

په هرات ولایت کې د صنفي اصولو زده کونکو ته د ښوونیزو موادو وېش لړۍ پیل شوه

د هرات ولایت پوهنې مسئولینو په حضور کې د یادو ولایت د صنفي اصولو د ښوونځیو زده کونکو ته، د یوې همکارې ادارې په ملاتړ د ۱۲۱ مېلیونه افغانیو په لګښت د ښوونیزو کڅوړو وېش لړۍ پیل شوه.

پورت. . .

دوشنبه ۱۴۰۴/۱۲/۲۷ - ۱۲:۲۳
Background image

د ولایتونو له پوهنې ډګره څو لنډ خبرونه

- میدان وردګ:
د میدان وردګ ولایت دایمیرداد (جلګې) ولسوالۍ اړوند د ضیاءالمدارس دیني مدرسې سره، د ځایي خلکو له خوا د ۲۷۶۸۰ افغانیو مرسته شوې ده.

- لغمان:
د لغمان ولایت دولت شاه ولسوالۍ. . .

دوشنبه ۱۴۰۴/۱۲/۲۷ - ۱۱:۱۱
Background image

د پوهنې وزارت سرپرست لخوا، لغمان ولایت کې د ۱۱،۵ مېلیونه افغانیو په لګښت ۴ بابه ښوونیزې پروژې پرانیستل شوې

د پوهنې وزارات سرپرست الحاج مولوي حبیب الله آغا لغمان ولایت ته د خپل رسمي سفر په ترڅ کې، ۴ بابه ښوونیزې پروژې، چې د خلکو په همکارۍ د ۱۱،۵ مېلیونه افغانیو په لګښت سره جوړې شوې وې،. . .

BACK TO NEWS