د پوهنې وزارت د مرکزي او ولایتي رئیسانو ترمنځ «د لاښې همغږۍ او تجربو شریکولو» ورکشاپ پای ته ورسېد
د پوهنې وزارت د سرچينو او ادارې معينيت له لوري د کابل په انټرکانټيننټال هوټل تالار کې د یاد وزارت د مرکزي او ولایتي رئیسانو ترمنځ «د لاښې همغږۍ او تجربو شریکولو» درې ورځنی ورکشاپ نن پای ته ورسېد.
د یاد ورکشاپ په لړ کې د پوهنې وزارت د مرکزي رئیسانو او کارپوهانو له لوري د ولایتونو پوهنې مسئولینو لپاره پرېزنټېشنونه وړاندې او هغوی ته د ښوونیز کیفیت لاپیاوړتیاو په موخه یو لړ سپارښتنې وشوې.
همدارنګه د دغه ورکشاپ پرمهال د مرکز او ولایتونو پوهنې مسئولینو یو له بل سره خپلې تجربې شریکې او د اړوندو ولایتونو د ښوونیز وضعیت په تړاو یې تفصیلي معلومات وړاندې کړل.
دغه راز د پوهنې وزارت سرپرست الحاج مولوي حبيب الله آغا په خپلو خبرو کې دغه درې ورځنى ورکشاپ د ولايتي رٸيسانو ترمنځ د اتحاد او همغږۍ لپاره خورا مهم وباله٠ نوموړي ولايتي مسٸولينو ته د اړينو سپارښتنو سربېره، د پوهنې د کيفيت پر لوړوالي د ټينګار ترڅنګ، د هغوى د ستونزو د حل ژمنه وکړه٠
په ورته مهال ګډون والو خپلې اړوند پوښتنې له مسٸولينو سره شريکې او د تخنيکي کارپوهانو له لوري ورته لازم ځوابونه ورکړل شول٠
د ورکشاپ په پاى کې د دعاٸيې او د ا٠ا د رياست الوزراء د پيغام لوستلو ترڅنګ، پر ګډون والو تصديق پاڼې هم ووېشل شوې٠
