د کونړ ولایت په یو باب لېسه کې د لمریزې برېښنا سیسټم فعال شو
د کونړ ولایت د مرورې ولسوالۍ علم پروره خلکو د یولک ۲۸ زره ۸۷ افغانیو په ارزښت، د یادې ولسوالۍ د مرورې د هلکانو لېسې لپاره د لمریزې برېښنا سیسټم فعال کړ.
د دغې پروژې د فعالېدو په مراسمو کې د پوهنې ریاست پر مسئولینو سربېره د مرورې ولسوال، علماوو او قومي مخورو هم حضور درلود.
د یادې ولسوالۍ ولسوال او د پوهنې رئيس مولوي محب الله حيدري د سيمې د اوسېدونکو له دغه نېک احساس څخه مننه او قدرداني وکړه، د ديني او عصري علومو په زده کړو يې ټينګار وکړ.
